ایران کے 23اراکین پارلیمنٹ کورونا وائرس کا شکار

ایران کے 23اراکین پارلیمنٹ کورونا وائرس کا شکار

 03:41 pm  

 ایران کے 23 اراکین پارلیمنٹ اور ایمرجینسی میڈیکل سروس کے سربراہ کورونا وائرس سے کا شکار ہوگئے۔ 

بی بی سی فارسی  کے مطابق ایران کے 290 اراکین پارلیمنٹ میں سے 23 کے کورونا سے متاثر ہونے کی اطلاعات ہیں۔ خبررساں ادارے کا کہنا ہے کہ ایران کی ایمرجینسی میڈیکل سروسز کے سربراہ پیر حسین کولیوند بھی مہلک وائرس سے متاثر ہوچکے ہیں۔ حکام کا کہنا ہے کہ کولیوند کی طبیعت میں بہتری آرہی ہے اور پریشانی کی بات نہیں۔

 

ایران کے نائب وزیر صحت علی رضا رئیسی نے سرکاری ٹی وی پر کورونا وائرس سے  77 ایرانی شہریوں کی اموات اور 2336میں تشخیص کی تصدیق کی۔  پیر کو تہران میں کورونا سے ایران کے سپریم لیڈر آیت اللہ علی خامنہ ای کے مشیر محمد میر محمدی  کی موت واقع ہوئی۔ میر محمدی اس وائرس سے ہلاک ہونے والے پہلے اعلیٰ سرکاری عہدے دار ہیں۔

تمام اشاعت کے جملہ حقوق بحق ادارہ محفوظ ہیں۔
Copyright © 2019 Urdu News. All Rights Reserved