Home    weird
امریکی صدارتی امیدوار جو بائیڈن جلسے میں اپنی اہلیہ اور بہن کے تعارف میں غلطی کر گئے
امریکی صدارتی امیدوار جو بائیڈن جلسے میں اپنی اہلیہ اور بہن کے تعارف میں غلطی کر گئے

 واشنگٹن: امریکی سابق نائب صدر اور موجودہ صدارتی امیدوار جو بائیڈن جلسے کے دوران اپنی اہلیہ اور بہن کے تعارف میں گڑ بڑا گئے اور اہلیہ کو بہن جب کہ بہن کو اہلیہ کے طور پر متعارف کراگئے۔ عالمی خبر رساں ادارے کے مطابق انتخابی مہم کے سلسلے میں ڈیموکریٹس کے ممکنہ صدارتی امیدوار جو بائیڈن سامعین سے اپنی اہلیہ اور بہن کا تعارف کرانے میں غلطی کرگئے۔ انہوں نے پہلے اپنی اہلیہ کا ہاتھ تھامتے ہوئے مجمع سے مخاطب ہو کر کہا کہ “یہ میری چھوٹی بہن ویلری ہیں” جب کہ اہلیہ نہیں نہیں کہتی رہیں، جوبائیڈن اپنی بہن کی جانب مڑے اور ان کا ہاتھ اُٹھا کر تعارف کرانے لگے تو اپنی غلطی کا احساس ہوا اور فوراً کہا کہ دونوں خواتین نے اپنی جگہیں تبدیل کرلیں اس لیے مجھے مغالطہ ہوگیا۔  

ہر ملازم کی تنخواہ 70 ہزار ڈالر کرنے کیلیے مالک نے اپنی تنخواہ گھٹادی
ہر ملازم کی تنخواہ 70 ہزار ڈالر کرنے کیلیے مالک نے اپنی تنخواہ گھٹادی

سیاٹل، امریکہ: پوری دنیا کے ملازمین میں تنخواہوں کا فرق ذہنی، جسمانی اور نفسیاتی ایذا کی وجہ بن رہا ہے، اس خلیج کو پاٹنے کے لیے ایک کمپنی کے مالک نے نہ صرف اپنے عملے کے ہر فرد کی تنخواہ کم ازکم 70 ہزار ڈالر سالانہ کردی بلکہ اس کے لیے اپنی تنخواہ میں سے بھی کٹوتی کردی۔ سال 2015ء میں گریویٹی پیمنٹس نامی کمپنی کے مالک کو کمپنی کی ایک اہلکار سے بات کا موقع ملا تو معلوم ہوا کہ 40 ہزار ڈالر سالانہ تنخواہ ہونے کے باوجود ان خاتون کا گزارہ نہیں ہورہا کیونکہ سیاٹل شہر میں رہائش بہت مہنگی ہے اور کرائے کے مکان کی بنا پر خاتون اپنے بچوں کی کفالت کرنے سے قاصر تھیں اور قرض میں پھنستی جارہی تھیں۔

پالتو اژدہے کے پیٹ سے تولیہ نکالنے کے ’آپریشن‘ کی ویڈیو وائرل
پالتو اژدہے کے پیٹ سے تولیہ نکالنے کے ’آپریشن‘ کی ویڈیو وائرل

سڈنی: گزشتہ ہفتے نیو ساؤتھ ویلز، آسٹریلیا میں جانوروں کے ایک اسپتال میں ’مونٹی‘ نام کا پالتو اژدہا لایا گیا جس کی حالت بہت خراب تھی۔ اسے لانے والے گھرانے کا کہنا تھا کہ وہ ساحل کی سیر پر گئے تھے جہاں اس اژدہے کو بھی اپنے ساتھ لے گئے تھے۔ وہاں اس نے بڑا تولیہ نگل لیا جو ابھی تک اس کے پیٹ میں پھنسا ہوا ہے۔ اسپتال میں موجود ڈاکٹروں نے فوری کارروائی کرتے ہوئے پہلے مونٹی کو بے ہوش کیا اور پھر لمبی لیکن باریک چمٹی اس کے حلق کے راستے پیٹ میں اتار کر وہ تولیہ کھینچ نکالا… اور وہ یہ دیکھ کر حیران رہ گئے کہ تولیہ واقعی بہت بڑا تھا۔


دلچسپ و عجیب
تمام اشاعت کے جملہ حقوق بحق ادارہ محفوظ ہیں۔
Copyright © 2019 Urdu News. All Rights Reserved